四年後的真相

 一朝早返到公司有啲想逃避，要做既嘢太多，唔知做邊樣先。就唸，哎，等陣再郁手。呢個情況，暑假之後愈嚟愈嚴重。都無既，唔想做啫，無咩特別。等情緒過咗，一陣又會繼續趕工。

在這邊兩年，無論正職或兼職最近都到了極限。我覺得又回覆到一個唔OK既狀態，大約係HK時既7成滿，從HK到台灣差不到8個月，到2023年5月都係咁差。中間好咗少少。去到2023年既10月到2024年6月都係差。之後8至10月好返啲，然後一路到2026年3月都好既。而今年6月開始，情緒就一路差，差到依家差不多10月，就嚟到極限。其實，係應該到咗極限。

依家份工唯一既優點就係「有工開」，錢無，名無，時間更加無。工作量增加但係人工減少。某日同瑪莉學姐講起，佢話呢個情況好正常。我話，下？點會正常？佢之前份工做咗五六年，做到最後一年，要承擔經經一半工作，返工前仲要落鋪面幫同事開門(因為公司信唔到店長)。捱到年底，公司突然宣佈，今年開始唔派花紅。唔係出年喎，係今年。即，全年既努力到年底係完全無成果。

跟住，學姐就辭職了。

過咗四年幾，終於知道學姐轉工既真相。

我有時會覺得這世界在欺負勤勞又善良的人，通常很老實地打工的人，都得不到應有回報，而且往往是受壓搾的一群。出社會後我有一種想法，是誰告訴你要聽話，營營役役地過日子呢？就是那些因為你營營役役過日子而他可以坐收漁人之利的人。

而為何人類達不到均富與富足？大部份人的個性固然有關，另一種可能是，作為權力的掌控者，他們不會想要下面的人溫飽，從而有太多的時間去向在位者爭取權益。這可能也是另一種可能。

當然這些只是我的幻想，我並沒有實際的證據也不太有想法去深究。我只是抱怨着這個世界，並且厭離而已。