成日發夢

 

今日有嘢做，返緊工，心情唔好，罷工。

我係真心想出去帶團，係台灣既office返工，仲衰過香港。每個人都係剩推缷責任，唔去解決問題。但最大鑊係，咁樣佢地可以生存得幾好，反而就得我一個友係生悶氣。

講啲唔開心既嘢之前，講下夢。前幾日發咗個怪夢，夢見前女友。啦，條女我就唔識既，個樣係好清楚，但我真心唔識，但知道佢係前女友咁啦。佢好似係嚟重修舊好，應該唔係感情關係，朋友啦可以做返。咁不嬲都可以做朋友既，呢十幾年我已經無乜認真付出過感情，只係好怪，因為我真係唔識佢。或者係另一個時空維度既記憶。

然後去搭電梯。由細到大我都成日發夢，夢見自己搭錯電梯，有時係無錯，但入到去發現無我想去既樓層。而今次個夢比較特別係，個棟大樓未見過。以前既大樓都見過，現實中有，或者有經歷過。

不過都無所謂，人生都只係咁啫。只要你係人間，就跳唔出人既範圍。

才講到這邊，收到一間廠商話唔合作既消息。心情有啲嘛嘛。今年都係咁，每一單都傾好耐，傾成個月，之後無曬消息。有啲比較有禮貌，咪覆吓你，無禮貌既就唔覆。都只能夠調整自己心情。無錢，係好撚大鑊。又係呢種換到一單job，就能化解危機。深呼吸一口氣，繼續搵job。

7月開始無論塔羅，星座都話我事業運會好好。會有貴人，會有好既事業同消息。我期待咗好耐，因為對我嚟講呢啲全部都好重要。好啦，7月期待到8月，7月尾過咗，無聲氣。8月過咗幾日。