鬆咗口氣

 半推半就地推咗單job，稍為鬆咗一口氣。雖然搞咗幾日，得個桔，但至少留返啲時間俾自己，都OK。

成件事講複雜又複雜，講單純又唔單純。故事係around 3、4個月前apply咗份part time，係某個地方既導覽員。本來佢地係講春天開幕，咁過咗開幕時間，以為無啦。點知突然間叫我去in。咁咪去in囉。in個時都有啲唔知想點，問佢返工時間，佢話未確定，排班天數，佢話未確定。又一直重複問啲唔知點解要重複問既問題，咁我又唸，是但啦，應該都唔請。

突然又有一日，叫我上去簽約。我唸住，都簽約囉，應該簽約前會講啲返工時間掛，會講排班時間掛。點知簽完約都無講，就話，啦，聽日要返工，返3個鐘。我呆咗呆，吓？唔早講？我唔得喎。同埋我心唸，大佬，咁你真係玩隨傳隨到喎。

我同佢地講，查實你地係點排班架？通常都一個月前排好，唔係咩？然後我好坦白，啦我一個月最多排4-6日，你哋思考一下，OK就繼續做，唔OK就算啦。呢啲嘢應該現場確定，你現場確定唔到，都無所謂，咪話聽日覆我。點知佢地現場又話OK喎。跟住我度咗成晚(大約20分鐘啦)，點樣擠啲時間俾佢。同埋，個心突然唸，唉，呢頭先話想多兩日休息，去啲自己想去既地方。點知又係擺曬啲時間嚟返工。

隔咗一日，佢打嚟，總之就係暗示，你排班日子太少，依家唔用你啦。但佢既講法係︰「不好意思，我們考慮到你排班時間較少，會造成其他同仁的壓力變大，不知道你還有沒有意願繼續做。」

吓，梗有架，我連約都簽埋喎。

「只不過考慮到你日子可能太少，其他同仁的壓力較大，不知道你……」

我覺得要以你們為主，你們希望能排幾天…？

「真的對你很不好意思，我們這邊覺得要你擠時間來上班太辛苦，不知道你還有沒有興趣……」

沒關係，依你們的規定，我盡量配合。如果能配合就繼續，不能配合就暫時擱置，你有需要時我們再聯繫。

「我們沒想過有這種狀況(你還有別的工作)，如果說我們有其他後補的……」

我心唸，diu唔好咁煩，答佢，可以的，那你看一下後續的安排，我要怎麼把東西交還……

等等。

總之，其實唔洗排班，係鬆咗口氣。

台灣人做嘢都差唔多係咁。問親佢就乜都唔知乜都未確認。因為……佢哋都真係唔知。亦都無唸過呢啲問題。而台灣啲打工仔亦都真係咁，佢地係會隨傳隨到。

好多呢啲神奇係唔會係香港發生，雖然依家都發生緊。但所以我每日都提醒自己，要努力啲搵機會，唔好俾公司同組織綁死。台灣人講嘢個種口吻又好撚難頂，總之乜鳩都係你錯，最緊要係證明你錯，佢地就唔洗負任何責任。而台灣人本身既個性都係咁，推得就推。算啦，鬼叫我窮，頂硬上啦。