了結

 一朝早返工又有啲唔開心，依家返工唔開心指數係達到60%。簡單嚟講係工作內容我唔OK，對公司行政，我亦都唔太OK。咁當然公司做法係有佢既想法，只係，我唔明點，同埋我唔適應啫。

故事係咁，今年開始公司將本來行政措施改到好奇怪，即係關於close file呢件事。簡單嚟講，正常公司工作流程係，所有收入、開支，找曬數，咁個單case就叫做完結，可以close file。新既工作流程係，唔理你有無找曬數，只要你話比公司支，你係要支出呢條數，就可以埋單。跟住發生勁多問題，我個人啦，唔知其他人有無。

例如有啲數，我key漏咗。原本流程係，公司找數個時，再check多次。依家唔得啦，因為你close咗file，漏key，所以條數係你人工到扣。再嚟，有啲可能要退換貨，比如件貨係100蚊港紙，你已經close咗file，件貨就唔可以計落本身個case入面，呢100蚊如果你有預知能力，key落去，咪唔洗你俾。依家你無key到，就扣你人工。大佬，我鬼知個客會退貨咩。

林林種種都令到我愈嚟愈唔OK。因為同我個人邏輯唔太符合。都唔止個人邏輯，我覺得係工作流程唔合理。但公司啲人係覺得OK，無人質疑個制度。其實咪又返到香港個時咁，啦老細叫你做就做，唔啱規矩都要做，出咗事，入你數。個客話點就點，所以咪搞到個大mon跌落舞台，然後，無人要負責。

跟主就麻煩啦，有任何特殊情況，都要重跑流程，因為你埋close咗file。

遇到呢啲情況，每日提醒自己一次，唔好留戀呢個世界，快啲離開。我唔鐘意呢個世界，我唔適應，亦都唔想適應呢個世界。我唔太感恩自己嚟到呢個世界上，但當然我知自己點解會係到。而我係到，今生唯一目標就係離開呢個世界。

當然我唔想悔恨地離開，我想盡力，做返啲自己鐘意既嘢先至離開。可能個啲嘢係無任何經濟價值同意義，仲會令我在現實中陷入各種不幸。但我相信，我最終會去到白光之所在。今生既事，今生了結。來生既事，已經沒有來生。