心情差

 最近的心情頗差，都無，做錯太多嘢。然後，覺得，真係要休息。可能係負擔太重了。做錯嘢唔開心就固然，會內耗自己做乜咁唔小心。另一個係，搵原因。原因係……依家啲嘢無答案，要狂問，問，亦都唔會有正確資訊。

都係個句，只怪自己窮，無錢，無辦法，無能力。如果我有幾億身家，生活就唔洗咁苦，咁屈住屈住，仲可以攞錢出嚟幫其他人。但係，我無。無，就唯有低頭打工。不過我心入面仍然係想拍下旅遊Vlog，寫下景點相關既故事、歷史。或者無人睇既，應該……其實無乜人睇。唔理，順住自己心去做。

今年想大膽少少講下自己既感受，公開地。以及我好想寫的，與其他人聊天的故事，我覺得人生真正重要係關心身邊人。所以有時面對其他人冷漠，覺得十分之唔OK。

最近有個朋友既朋友患柏金遜，佢排隊係香港做手術，點知香港每年只有四十個名額，唔知等到何年何月先搞得掂。佢都尚算年輕，五十幾歲，但因為柏金遜手震，失去工作能力。依家我同朋友研究緊有無得去台灣做手術。

將呢件事講比多多大夫聽，佢係零感覺。都唔係第一次，以前都係咁，但我每次都覺得好冷血。但係站係佢既角度，個個病人都慘，唔通個個都付出感情去關懷佢咩。見得醫生多都知，佢地唔係為咗醫好病人，係為咗搞掂個病。意思係，醫生工作係醫病唔係醫人。

話回轉頭，OK，我好關心你，你個心舒服啲，俾好多情緒價值。但身體既痛楚無減輕，又有乜為。算啦，呢個世界都係咁，只要一日仲係呢個世界，就無辦法逃離呢種束縛。所以，結論都係，有得做人既今日，就做啲自己開心既事。等離開咗人間，就算。苦同樂都係一種被製造出嚟既機制，佢真唔真實呢？都真實既。唔好俾感覺綁住自己囉，畢竟，另一個世界，苦與樂既定義又會唔一樣。