上網投了兩份CV，一份是兼職博物場館，想要取代現在的兼職。另一份是領隊導遊，就是我本來想轉去的行業。最近又有那種以前在做編輯的感覺，明明這是自己想做的事情，卻始終輪不到自己。這一年接觸過許多領隊，有些是完全沒有經驗，但公司派團給他們，卻沒有派團給我。我自己也知自己事，外表看起來無法說服其他人，其他人從外表上對我沒信心。也只好這樣。機會自己爭取，我會找到的，希望。
好久沒有像這樣子寫東西了，有兩三個月了吧。這些本來都是我想要找人討論，尋找新方向的。然而還是老問題，沒有人願意聽，沒有人想聽，唯有自己寫寫文字。這所以我才想說來到台灣，有天真的失業了，活不下去了，就找棵樹，靜靜地躺在那邊，那就算了，別想太多。最近又有這種感覺。
我想了想自己一直以來追求的東西，一份自由，二份公平。現在的兩份工作我都覺得不公平，尤其是正職。無限量OT視之為正常，然後，每件事都要我做，都要做記住，明明我是職位最低，無論工作或休假都依然電話不斷。責任太大，權力太少。我都唔明，啲sales自己賣嘢，係唔記得自己賣咗啲乜，走返嚟問我點做。我點知點做？件貨你賣出去。最抵死係，佢問我，件貨我應該賣個客幾多錢呀？我心唸，我點Q知。我覺得我係呢份正職又到咗極限，到咗盡頭。本身我係想做兩年，用兩年時間轉去做領隊導遊，根本我就唔想再被組織綁住。唔怪人，只怪自己無能力。
肥灰話，我個方向根本錯咗，唔係應該唸做啲乜嘢可以搵錢，係要唸點樣買樓。買到樓，或者住到公屋，租好平，到時做乜都得。我知佢唸法係點，佢係加拿大唔開心，都係因為無錢買樓。佢係香港有樓有車，依家係加國想話回流返香港，因為樓價升得太多，買唔返，同樣唔開心。
咁佢壓力係大啲既，仔細老婆嫩。而我唔開心既係，原來做咗十年朋友，我成日都話係香港唔開心，佢係香港順風順水，唔明我既感受。都算。去到加國受咗啲苦，受咗同我差唔多感受既苦，以為同理心會多啲。原來，其實都無。照樣佢係唔明我。甚至係唔理我既感受。
最後，我唯一既情緒輸出口，仍然係文字。因為，文字唔會拒絕我。而我依家一唸到要返工，個人就情緒好差，好想休息多一兩日。仲史無前例想射波。唉算啦，搵工啦。我真係無辦法好似佢地咁，同一間公司做足十幾年。日復日做同樣既嘢。我想要自由，建立自己既生活。去多啲唔同地方旅行，鳩寫吓稿。做多啲自己鐘意既嘢就夠。我想要自己掌控自己既生活。唔好再受啲無謂既組織架構人事糾紛支配。連請個假都要思前想後。我唔係為咗呢啲嘢而離開香港。我要重新掌握生活既主導權，打造一個自己既保護網。
一世人流流長，結果呢四十年，自己想過既日子加加埋埋都無200日。咁，到底為乜呢。
留言
張貼留言