不入輪迴

 之前放我飛機的同事突然打電話俾我，我嚇咗一跳︰diu，乜我唔係block咗佢咩？唸兩唸，係喎，因為佢當時仲係同事，我應該係block咗又開返，費事俾人覺得我小器。後來佢離職，我就無再block。失策。上次佢放我飛機之後我好努力咁避開佢，一嚟係我已經唔想再為呢啲人費心思，佢地唔會覺放我飛機係咩大件事，唔會道歉，唔覺得錯，唔覺得要理我感受。

最PK係每個人之後都只係搵藉口幫辯駁，呢次係仲大鑊，佢放我飛機，然後要我同佢道歉。我避足佢一日，唔想同佢講嘢，結果佢用咗啲方法令我無辦法唔面對佢，最終結論係，我都係道咗歉。佢只係想營造錯不在自己，咁，咪由得佢。

其實我係有唸過可以同佢做朋友，呢件事之後，我同自己講，唔得，唔好再幻想，無可能。估唔到辭咗職之後，佢居然又返咗幾日支援，咁啱我無排班，原則上我哋係唔會碰面，點知有一日係我本來唔洗返工，HR叫我幫手(幫完仲俾說我聽，頂)，同更。

我唸咗幾日，到底點算。計一計，月中要考試，仲有稿要校。print out三份卷，print埋啲稿，全日就做paper校稿。完美避開。

當日仲係到唸會唔會做得好明顯，好衰。隔咗一日，讚自己做得好。將所有幻想妄想係個一刻斬斷。因為如果我又同佢好熟絡咁傾計，我就會想原諒佢，會覺得仲有機會有私交，依家咁樣最好。我但求自己心靈平靜，老死不相往來。如果唔係又會好似好爺咁，一年放我6.5次飛機，我都仲應承同約食飯。

我呢一世，一定會做到，斷曬所有世間既因緣因果，咁樣，先至會再再落入輪迴。呢個先至係我呢世人最大最終既目標。一日仲係呢個娑婆世界，一日都仲會有苦，仲係不自由。我要訓練自己，唔好再掛住呢個世間既所有事物。呢十年，我太過將自己當成係自己故事既主角，太過沉迷其中。咁落去唔會有進步。我要徹徹底底，斬斷與呢個世界既因果，不入輪迴。