維持生計

 呢兩日公司氣氛令到我有啲唔舒服，總之都係個啲，同事唔講嘢，搵我做嘢要搵人轉述。逼於無奈要直接講，會好大聲，好惡，咁樣。我心唸，呢啲咪似係俾人炒之前既先兆。大家唔洗再演戲，就惡言相向。都無計，鬼叫我唔叻討人歡心，做人又I。

依家既情況係有啲麻煩，無咗份工唔得，其實係無收入唔得。以我自己既能奈，又唔太能夠一下子搵返呢個人工。之前move嚟台灣，唸住一個月三千HKD，唔會搵唔到掛。點知就真係搵唔到。咁咪搵full time囉，結果又拖糧，拖到租都交唔起。總之都係人治，唔係法治。

要生存落去，就要唸辦法。而生存最緊要都係錢。依家要唸辦法每個月賺夠錢，先至生存到落去。目標係每個月8萬TWD。明明做咗十年，累積咗咁多技能，但都賺唔到錢，個心係有啲煩惱。都唔係有啲，係十分。冇人搵，冇人問，係真心煩惱。而我仍然係好想，做自己既嘢。乜都好，經濟掌握係自己手上，先至會安心。

至於要點樣先搵夠食夠，仍然係難題。累積咁多工作技能都無一樣係可以維持生計，心入面梗係覺得唔OK。克服內心既不安全感，都係一個重要課題。