每周只剩三小時

放完長假後第一日返工，公司氣氛怪怪地，同事口氣唔係太好，無人同我講野，仲迴避眼神，明明係我負責既嘢，要由其他同事轉述。check一check原來有啲資料錯咗，成個假期都無人講，無人話我知，瀨瀨地嘢。咁當然我會有好多唸法去避免錯誤，但錯咗就係錯咗，都無乜得解釋。算啦，唔唸，份糧又唔係好多。

不過台灣人係咁，唔會double check，錯咗唔會話你知事前補救。可能要到好好好好後期先至話你知你錯咗。咁……是但啦。我都係人生第一次會用份糧嚟做藉口。呢幾日氛圍有啲似以前係HK俾人炒之前，我都係小心啲。先係孤立，然後郁手。總之，都係咁啦。我係隨時遇咗失業。依家無一樣嘢係穩定。

而且，以前係香港放完假同事之間可能偎傾下計，點呀，你個假期有咩做之類。台灣呢邊好似你掉低咗工作去放假，當你仇人咁。應該話，可能當我仇人咁。我都唔係第一次因為啲同事唔同我講野然後俾人炒。所以，我有曬心理準備，每一日都預咗俾人炒。有啲人可能笑一笑就無事，我呢，就會連份工都無埋。

都知自己個性，一定要做自己想做既嘢，自己setup既事情，先至會有安全感。下一步我可能會想airbnb。台灣係有啲難，其實香港都難，應該話，我覺得自己要達成以上任務，好難。但如果唔做，唔完成，咁我無進步，係唔OK的。唯有加油。埋首苦幹。唔係可以點。

最近同個資深領隊傾計，佢話大陸團最旺個8年，佢經手既錢超過1100萬。雖然唔係全部錢都落入佢袋，都足夠佢買樓，去日本讀語言學校，等等等等。算啦，羨慕唔嚟。我繼續做我想做既事，搵夠自己生活就夠。希望啦，呢一世人，能夠做自己鐘意既嘢既時間，真係太短。