喜歡的事

 突然有啲情緒，又好想快啲離開呢個世界。總之，都係個啲野。唔太開心，無嘢既。唔開心啫。呢種唔開心都只係因為自己係自己，如果我唔係自己，就唔會有呢種唔開心。

新一年想有啲突破，但我知道就咁坐係到，係乜都唔會有進展。今年掙扎咗好耐，年假係去返工定係去實習。返工，會搵到錢，可以快啲解決債務。唔返工去實習，洗一筆錢之餘，仲唔知之後會點。

你問我係咪好想帶大團呢？其實唔係。最好係自己既細團，細車，一齊去玩。分享吓生活咁。但係咁樣可能會搵唔到錢。甚至係無人會理我。呢種心理壓力，你都咪話唔大。而且係日日都係咁，好驚啲嘢做唔掂，驚聽日就會失業，等等等等。

回過頭嚟睇，我呢世人壓力無細過。每日壓力都好大，唔係錢就係另一樣。再唸唸，從頭到尾都係一個人。都唔係第一日，但最近有少少介意。可能係台灣時間多咗？定還是春心動？是但啦，寂寞係一件必然既事。生、死也是必然既事。

依家我只係想，快啲賺多啲錢，可以去多啲自己既地方，做啲自己喜歡既事。