曬鳩氣

 曬鳩氣。無野，公事啫。總之有壇野，開始係我搞錯。我搞錯，無所謂，咪做返岩。點知教我fix problem既人原來自己都搞錯。由一開始就錯，錯到最終，我要食report。洗唔洗食曬全部死貓，就未知。唯一肯定既係，我唔揹曬，真正執行呢壇嘢既人，係唔會落手做。台灣人都係咁，都幾PK。不過又調返轉，其實我心知香港都係咁，只不過係香港之前十年，搵工都算快，無落得如此下場。

再咁落去真心唔係辦法，我想要自由，但到底自由係邊到。自由如果窮到要訓街，咁點算？財富自由先係真正自由，我都明。但到底要點做先至可以達到。呢幾日繼續攝高枕頭唸，到底要點做。我唸既方法仍然係提高技術，或者再擴展自己既能力。不過可能真正既現實係，要累積財富。學下抄股票，學下投資。但……我無乜散錢做呢件事。最近仲因為TWD 兌HKD奇高，令我負擔重咗好多。

無奈既係，依家無辦法唔打工。呢幾年投放既時間同心機，仲未能夠回本。問心，我都好想去帶下local tour，或者帶團返香港行返轉。不過都無既，學似肥灰個句，領隊都係sales底，我份人咁撚內向，唔死都無撚用。

呢兩日寫緊詐騙故事，卡卡地寫唔到。都係自己經歷，依家都只能夠出賣自己既經歷了。都OK既，好過出賣其他人既經歷，掛？都係咁上下啦。如果呢件事能夠有啲收入，我會覺得開心。無就無計了。轉咗行年幾，亦都一團都無出過。我個心係想帶，但我都明點解無機會。我份人咁內向又唔鐘意同人傾計，無蝕底好多。蝕底到，都係個句，無活着的必要。

矛盾係一日仲要生存，一日都要搵食。你知道呢個世界係假既，荒謬既，你仍然會依賴或活着。或者對世界有期待。然後期待過後，承受期待破滅既痛苦。

呢一年經常聽一啲youtube，大眾塔羅占卜。無乜既，聽下開心吓，當收音機。無論聽幾多都改變唔到自己既生活狀況，同埋事實。有時聽到好消息，咪期待下。星座同占卜都話呢幾個月，會有新狀況同消息。配合前陣子隨意求既簽，都話，唔好成日問了，時機總會到。問心，我都只係想安居樂業。唔知點解會咁難。