步入四十

 無乜特別，無乜心情做嘢。寫幾句，調整下心情。最近返工返到無乜心機，雖然平時都唔算勤力。不過無動力時，唔好逼自己有動力。但確實係唸緊其他嘢，想去影多啲相，想寫多啲稿。好多年無咁既念頭。至少前幾年係HK都無。都無乜特別既，又唔係多人睇，寫嚟做乜。

一唸到呢到心情就有啲差，因為，唸唔到之後日子要點過，仍然係苦惱同煩惱。到底要點樣先搵到錢，過到自己想要既生活。坦白講，我既人生，乏善足陳。一直都覺得自己唔死都無用。但係，咁灰暗既想法只會惡性循環，而唯一有改善希望的是，要係灰暗同絕望中，幻想有希望，會做得到。

真係要唸一唸，加強自己既營運能力。想去多啲地方，拍多啲片，影下相，鳩鳩地寫下嘢。夠食夠住，咁就一世。唸兩唸，查實一世人好快就過，過完呢一世，唔好帶住任何嘢，放低呢個世界既虛幻，我就可以去到光既盡頭，變成「無我」。

咁，呢個所謂既我，都係某種有形物質生產出嚟，製作出嚟，本來，就無。有，反而係一種煩惱。最煩惱係，你唔想做人，卻仍然係要做人，唯有幻想之後既日子，會有好既回報同反應。我覺得呢樣先係最痛苦。

算啦，唔好成日唸返工既嘢。返工都係付出時間換錢，好明顯，我依家唔鐘意呢種搵錢方式。但係用我鐘意既方式，又搵唔到錢，仲日日擔心聽日唔知會點。我想搵一個自己發揮到既地方，而呢個地方，只有自己營造。計一計，都四十了，好似遲咗十年。