公司新任務的狀況好像塵埃落定，也不是調任，增加工作範圍而已。問心我唔係咁想，依家份糧，你同我講要做多啲嘢，咁不如繼續低薪低工作量，落得清閒。咁當然老細可能會覺得唔抵啦，索性用到你盡為止。係有少少，乜咁架，但無計，受人二分四，繼續捱騾仔。
呢兩年收入大減，人工低過十年前係香港返既第一份full time。個時有8000HKD，為返係32K TWD，而家我居然拎29K TWD。都真心好痴線。
走筆至此，公司HR突然打嚟問我工作交接咗未。我心唸，下？有啲咩要交接？咪add-on啫。點Q知原來佢地改系統，直接令我舊檔案睇唔到，我心唸，吓，乜咁玩法。因為公司係計bonus，以前既講法係兩個部門既bonus都會計俾我。依家即係要預咗4-9月無bonus，因為新職位既稿件都係8-9月先出，出咗之後，一個月先計數。我心唸，diu，咁我之前半年好不容易捱到可以自己做稿做書，之前出咗既書，因為調部門，條數就唔會計俾我，俾接手既同事，玩嘢咩。
最撚O嘴係，問完我咩交接咗未之後，唔夠10分鐘，電腦就login唔到。我自己既資料睇唔返……吓，咁ON 9都有。大佬咁換部門之前，你同我講聲，俾張memo我簽都得掛……無囉。改合約喎大佬，唔洗offical通知……
我問過朋友，佢地都係咁。某日開開吓會，突然間宣佈A同事調去B team，即時生效。佢都只有接受，因為唔接受就只有辭職。咁……係唔情願同唔開心架啦，無計架wo。
不過無計，鬼叫我做足十年都無辦法自己獨立獨力做事啫。我好想有一件自己養得起自己既野。一唸到呢到，個人就灰。灰一灰就覺得，做人啦……做人就係咁，下一世唔好再做人啦。呢個係我今世最大既願望，但我又擔心以我呢種拖泥帶水唔主動既性格，可能都係會繼續輪迴。
離開咗香港就係咁，財政一定出問題。留係香港打份工，至少唔洗擔心下個月有冇糧出。依家……真係好為難。
我比較擔心身體問題，已經拖咗半年有多，但依然無錢處理。唔止睇病無錢，連生活費都非常緊張，主要都係因為公司底薪太低，最初承諾既收入，基本上係無達到過咁濟。好啦，當我終於有機會攞bonus，佢一轉，我前面做既野全部俾曬其他人。又或著其他人可能都拎唔到。
所以我成日覺得死亡對我嚟講一件好事，唔洗繼續煩惱，又唔洗俾呢個世界折磨。繼續人呢個世界同自己都唔會有啲乜嘢改變，咁不如唸吓點樣可以令自己死得舒服啲，安祥啲，簡單啲，無咁痛苦。
或者我真係唔適合呢個世界呢。誰知道。
而吊詭既係，再唔適合呢個世界，都仲係要生存。仲係要想辦法搵錢，真心煩。
最近唸，不如返香港搵工，起馬解決咗經濟上燃眉之急。但又唔知可以搵得啲咩工。係台灣再搵另一份旅遊業咩？好似又只係跳嚟跳去，無乜大進展，無乜改變。呢兩年經常都處於呢種狀況，搵唔到解決問題方法。
呢個問題都延續咗好長一段時間，而我唸出既解方就係轉行做旅遊，直到自己可以獨立帶mini tour為止。不然其他都只是換工作，一份不OK又換另一份，治標不治本。咁當然，如果各樣事情都好順利，搵到HK工作，又穩定的話，人工可以直接跳4倍，解決燃眉之急。
世界沒有這種好事，沒有僥倖。這個社會需要某種型塑的人，你就只能夠成為這種人，才會獲得其他人菁睞。社會就是這樣運作。像我這種天才就跟其他人不一樣，不合群的人，其實應該一早就不要留着。甚麼天生我才必有用，都只是安慰別人的毒雞湯。如果我來做世界的管控，有機會的話，我大概會弄一頂分類帽之類的東西，把一些像我一樣不適合或不符合這個社會期待的人清理掉。
以前中國有殺女嬰的舊習，小時候覺得很殘忍很不人道，無論怎樣人都應該有資格包容與活下去。人大了，慢慢地覺得這好像也沒甚麼不對。你真的就對這個世界沒有貢獻，或者還沒有貢獻，人家看你也只是一個無聊的人或對象。那，你留着侵佔資源，倒不如把資源留給別的人，不就更好？
當然，在台灣打工還是有另一個問題。台灣人始終不會把你當自己人，也沒有到自己人的程度，他們永遠不會信得過非生於台灣的人。在工作上特別明顯，那種，我就把你當外人，在香港的台資書店和台灣全職也一樣。
而這種情況，香港比較少，你哪裡來我們不會管，只管你事情做得怎樣。但台灣人就很明顯，不跟你分享情報，有事不先講。升職他們寧願調一個無經驗的台灣人去香港，也不會升一個做了四、五年的香港人。
排外是相對的，台灣人說日本人排外，香港人說台灣人排外。林林種種。我不敢批評其他人怎樣，只能感慨，既然我們都覺得香港好。但為甚麼這麼好的香港我們卻沒有維持？說到底只是一個無解的課題。
留言
張貼留言