「春酒你為甚麼不來？」舊年加入咗民間導賞員團體三月初搞春酒，即係春天一班人聚埋食飯，食得幾好，但要自己俾錢。時間仲有啲尷尬，6:30。大佬未收工呀。因為要填報名表，我係第一個填唔去。之後每個人都問我點解唔去，解釋咗三十幾次……
組織過年前辦過一次會員大會之類既嘢，補貼100蚊食M記。限定M記先至claim到錢。我都係無去，又係俾人問到癲。話，我唔去點知大家開會講咗啲乜……但佢地又真係咁，唔俾會議紀錄，亦都無人會話你知有乜決定，你只能服從。
台灣返工仲有樣嘢好神奇，排更排完part time先排full time。舊時係台資書店已經天怒人怨，full time係part time既補充人力，要就Part time嚟排假，真係唔明。依家都一樣，排班係排咗part time先，好啦都算，因為我都係兼職導賞啫，佢想點排就點排。不過已經有好幾次，我俾咗A既日子，HR話B個日唔夠人，問我可唔可以返埋，我覺得可以，返多日啫。點知佢排完出嚟，B個日要返，其餘俾佢個3日，佢cut曬……
早知我約人出去玩，去影下相啦頂你。
呢個都算好，我有次返工見到另一個景點既導賞員。我問佢，嗯？你唔係響個邊咩，做咩返呢邊？佢話尋日睇班表突然發現自己要返工，而佢未嚟過，好采我拍過佢一次，叫做認得，叫住佢。原來係有另一位同事臨時請假，佢無被通知之下要返工。
呢啲情況係台灣算日常，要日日check住班表，無人通知呀，message都無個。你唔返就礦工，扣糧，罰年終獎金……外派導賞員本來就無，好采。既然佢地文化係咁，都唯有適應，下次唔好咁儍仔，應承俾期佢。
呢啲副業無去就算啦，正職個邊就唔可以唔去，又係啲定期聚餐，收工後搞。正職好啲既，唔洗俾餐費。但如果你唔想去，就要請一日假，當日連工都唔返，扣一日糧。你返工，而唔出席，就交低1000蚊，唔知點解，唔好問我。好啦，你又返工，又食飯，但啲嘢做唔曬，就食完飯再返公司做。
仲有好多細節位不堪細數，每樣都覺得返工好似蝕返轉頭。都無計，鬼叫自己無能力咩，唯有係咁囉。又或者依家所擁有既嘢，經已達到上限值，都未定。不過啲台灣同事聽到有飯食，有聚飯，唔知點解好開心(或者至少表現得好開心)，過年有得食，端午有得食，中秋又有得食，一年三次又有得抽獎，唔好咩？
大I的我想回去砌模型呢……
留言
張貼留言