生活如常

 

最近返工又鬼打牆，碎碎念一下囉，又唔會好大鑊，咪up兩句。

故事係公司年度要做評估，要自己評自己。我問同事點填，佢話填到自己合格就得。咪，填囉。呢啲嘢以前係台資公司都經歷過，全部都9up做假。條數追到爆曬，公司話你唔可以填咁高，硬生生扣20分。

咁好啦，我咪填到60分上下。點知填完俾老細捉咗入去照肺，佢問我做乜唔問佢，我話，吓我問咗阿邊個。

「佢活係自己既世界，未知了解公司政策。合格分數係80。」

我心唸，玩嘢咩。咁有咩影響？

「會攞唔到年終獎金。不過你都無年終，新同事。」

哼，我苦笑咗一嘢。結果咪又係面子工程。既然咁重要，你主動話我知啦，唔好等我出咗事又再問。都幾on居。

不過每個地方既人都係咁，你問佢又講唔清楚，賴咗嘢，就走嚟話你。同埋都係要瀨野對方先至會認真話你知發生咩事。調返轉都有好多人唔鐘意你講咁多，覺得你煩、長氣。我就調返轉，鐘意聽人講，聽人present。

XXXXXX

講下生活，早幾日少少燥。話說好爺無啦啦搵我食飯，咪搵囉，可能佢生活有壓力都唔定。

好啦，前一日，佢話5點鐘完事，我咪約6點，食到8點差唔多。佢話，佢都唔可以太夜，講完，隨即send咗流星雨既web side比我。我就唔出聲。

第二日中午，見佢無聲無氣，問佢一陣去邊到食呀，去邊到集合。佢話想搵個坐得耐啲既地方︰「瑞豐夜巿不如！」

我diu咗出聲，夜巿邊會有位坐。跟住我又唔出聲，佢又無覆message。

4點半完咗鹽埕導覽，唸住如果佢5點完，可能我直接過去會比較快。唸兩唸又覺得唔好，返咗屋企先。點知一路無消息，等到6:30，佢突然話遅咗走依過嚟我到。

吓？過嚟我到做乜？我呢邊都無野食。但再搵佢已經無回音。7:15，佢嚟到樓下，問我有無停車位︰「你房東無俾停車位你咩？」

喂唔係呀大佬，上個月佢先嚟過，咪講咗我無機車，唔洗停車位。佢自己都係泊街位。我叫佢是但塞入其中一個位。快快手寫個飯，咁7點15囉，食一個鐘啦不如。心唸。

去咗附近一間快煮鍋食，自己煮既快煮鍋。一上菜我就塞曬啲嘢落去個鍋到，煮熟佢，食完走人啦。點知佢仲慢慢煮，慢慢食，煮到個gas爐氣都無埋。食到9點15……

中間講野又吞吞吐吐，不過佢慣常都係咁，乜都唔肯照直講，收收埋埋，但佢又想你估到佢講乜個下PK。男人老狗，真心煩惱。

但呢一層，就好台灣。佢既個性，習慣同埋細節係同台灣人一Q樣。講野唔講清楚，成日好想認叻，話自己有幾勁有幾勁。又成日攞自己同人比較，其他人點點點，我就唔會咁咁咁。永遠都好多大道理。不過啲道理只自己接受到。人哋同佢講，佢又聽唔入耳。

法師同事話，呢種人好易受到疏擺。我唸都似係。算啦，如果佢只受一啲講野唔清唔楚既人疏擺，咁我只能夠講，都係命。回過頭來，十年前佢肯聽我講，可能係台資書店大家既命運都會唔同。話係講，又有咩可以唔同。

XXXXX

最近PT俾人cut更。都唔係第一次。最初叫我交6日更，cut兩日。好啦我咪交4日，又cut一日。一個月剩返3日。我都返到個人好榭，重重覆覆都差唔多。我想其他新野，尤其係做返啲排版，出書既工作。至少將Adobe既費用回一回本。Adobe一年如果用學生價，真係好抵用。今年唔知有冇機會，繼續用到。希望有啦。

收到導遊領隊要續證通知，計劃緊可能返HK一轉。都要架啦，兩年幾無返去，三日兩夜囉。雖然返去都無乜特別地方想去，唸咗一輪領隊證都係想續，續一次大約成本係3000-4000HKD，雖然無帶過團，但我覺得將來會有用。19年考既時候就覺得有用先考，當時係真心想搵另一條路。

續證好大問題係錢既問題，依家真係唔夠錢用。每個月開支都唔夠。係台灣搵錢真係好難，左扣右扣，剩返唔係好多。接job數量又唔夠，唯有試一試，唸吓辦法睇下有無新路向。

不過……講真搵新方向呢句說話都講咗兩三年，都未試過成真。真心未知可以點。希望收入可以快啲回覆到係香港既水平。呼……到底仲有咩方法可以賺錢。