啊你怎麼沒講？

 佬大某日分享，你哋講嘢太硬啦，啲客咪唔鐘意囉。我笑一笑，係囉係囉。無架喎，同你講咗你唔聽、唔信，出咗事就剩係想搵人負責，一句︰「啊你怎麼沒講？」通常台灣同事會話︰「有啊，啊不就……」又辯論十幾分鐘。過咗個清明之後，我連交戲，笑一笑既力都節省。不過話時話，都真係夠膽死，對政府文件都會主動隱暪資料，我就真係唔敢啦。

台灣人對話中既資訊含量好低，有啲似睇日劇，日本講既「讀空氣」。對話之中好多係靠估。比個編輯開完拖之後，我唸咗陣，可能佢真係覺得我睇唔明佢講乜，佢又真係無資料，而佢又真係覺得fact check係我既責任……雖然我覺得唔係，因為我根本無對家聯絡人。

唸咗陣，唸反起以前伏公司有單嘢。當時我受公司命令，去一場記者會採訪，返嚟寫份稿。寫完，交咗上去。一個月之後，sales team經理捉咗我同成team人入房，diu足一個鐘，問我哋邊個將條片交上黃台賣廣告。我話，我唔知呀，我負責做稿咋。

故事係公司買咗黃台某個廣告時段，賣唔出，就係公司搵啲片重剪，再擺上去。因為時關係，黃台會落「廣告客戶提供」之類既字眼。點知對家PR公司打嚟，鬧咗sales team經理一輪，話佢根本無同伏公司交易，無比錢買廣告，點解伏公司會以對方PR名義落廣告，邊個授權云云。經理鬧完人之後，我就知道呢間公司無前途。但好可能，每間公司都差唔多係咁，係我自己睇得唔夠開。

不過都係囉，你鬧咪由得你鬧。呢幾日另一個sale又打嚟鬧，話我出錯價錢比佢︰「你看一下你寫甚麼」。我心唸，下個價係供應商比我，我照copy咋喎。再問多次供應商，價錢岩唔岩呀，供應商話啱呀，因為個個時段係peak hour。

我照覆返個sale，sale又diu，咁係咪全部午巿都係呢個價？我話，係呀。「你要確認呢。」我心唸，下，人哋業務係咁講喎。

台資公司都係呢種風格，佢地係接受唔到check check sin，confirm吓。要check要confirm等於你無能，唔聰明。以前係台資書店都習慣咗半年，開頭一個月乜都唔知，又係比人diu到云。香港人會比時你適應同習慣，會將標準話你知，台灣人通常都唔會，專門鑽研你唔知道啲乜，好似佢知道就好叻咁。咁你咪叻曬佢囉。

呢個我反而覺得偏向個人問題，係香港個時已經無乜人或主管係會聽我講嘢，聽得入耳。生平都只遇到兩個係OK，溝通良好。不過合作都只係半年，比啲變態主管搞到情緒病。

不過我都算係典型「不讀空氣」，重點係，sor，我唔係好想理啲無邏輯既人。當然你都可以話我活係自己世界，我接受既，OK。