返工時

 

今日返工突然有啲忙，忙到我唔記得咗返工要做嘢。都唔係既，講笑啫。因為連假前奔波咗兩日，最後一日排足全日版，返到公司做文書工作，一時間切換唔到。二十分鐘後就切回來了。記得自己在做行政工作。

呢份工返咗半年，已經有啲怠倦。一嚟悶啦，二嚟又係個種責任大權力細，三嚟份糧都唔夠開飯，我就有啲，哦，咁呀好啦。前幾日請半日假去睇牙醫，食飯前，同老細講有單野聽日再處理。老細OK咗。食飯時，突然有個前同事返嚟同老細嘈交。咁我梗係拿拿林閃人啦。唔知中間有啲咩問題啦，等緊掛號個時，老細突然打嚟diu9我，話個單急既嘢，做乜唔交待同事處理，做乜唔送件。

我個心係diu曬鬼，大佬你為咗省個100幾蚊，唔肯比出面人搞，我已經係覺得曬氣。因為風險要自己承擔，而且公司根本無人做過呢樣野，我都只係按住線上教學嚟做。出社會工作十年，我都係第一次全部嘢要自己上網睇教學，錯咗出咗事就要自己賠錢。

咁你問我，會唔會有心機繼續做，責任心會唔會好重，就⋯⋯哈哈。而且最慘係份糧唔夠開工。

稍微抱怨，不過工都係要繼續返，錢都係要繼續搵。呢個係人生既輪迴。讀大學時活死人學長講過，受氣係份糧包埋，呢句說話我到依家都仲係接受唔到。做嘢啫，做乜要受人氣。

我都唸過，發現，好似身邊只有我一個會喋喋不休地講，呢啲唔開心或受氣既事。可能我當真了，太認真了，所以，嘛⋯⋯講完就算。好采仲有文字，可以做最後既情緒記托。

最近一直在整理情緒。好多嘢唸。首先係暫時中止幫舊同事代購。自從返台灣後一直都有幫舊同事代購，賺就無乜點賺，最多一個月都只係賺100蚊HKD。我著眼點係我可以收港紙，可以找卡數。因為之前供車既關係，依家每個月仲供緊3000HKD。咁佢每個月有1000HKD比我，我都OK。差少少唔緊要既。

問題係二月開始就出出地事。我地有個excel表，只要佢經我買，就要由我報價，我再填excel，落單，取貨。佢話我唔開放個excel比佢，佢填唔到。咁我咪開囉。

之後就出事，佢開始自己上網落單買嘢。都無問題，填表或者同我講聲。但往往我知道個時，已經剩返三日要取貨。有啲貨仲要好重，佢一次過訂係6公里以外既地方拎，我話大佬，好重，你分開訂啦。佢仲串，乜我無提你帶喼咩？

過年後，佢有一單嘢要我去台北拎。但原來個單嘢係舊年12月佢已經訂咗。大佬呀你又唔早講。好啦佢話要貼車錢比我，我話咁我都要抽時間喎，佢個間cafe好抵死唔可以walk in，仲要搶預約。搞足兩個月，終於預約到，點呀，係咪去拎係就要課金來回車票。

佢話，我唔拎了。

直到最後又動漫節，收到一兩個奇怪email。email地址無見過，但寫住我個地址。我問佢，咩事？詐騙？佢先話原來佢訂咗一大堆嘢。我又問過，大佬，唔係喎，咁你係想我親自去拎，定係上網搵人拎？佢又講咗句，原來要拎本人證件先拎得，佢寄id card比我咁話。我話，唔好啦，你自己搞啦，唔見咗我揹唔起。最終佢先至話，自己買機票搞。

然後我就話，咁代購我唔掂啦。

呢一野其實最傷既係我。佢搵集運，可能只係麻煩啲要去集運點提取，價錢同速度都會平啲。搵我，我真係寄得好慢。因為郵局要收現金而我成日無現金。依家既滙價嚟講，比港紙換台幣亦都著數啲。

但我覺得呢個應該係對佢最好既決定。我既唸法係，作為朋友我應該比佢最好既建議，我唔想因為錢，因為生意，無咗個朋友。

另外，亦都同好爺傾咗陣電話。佢擔心一年後攞唔到身分。我同佢講，一齊唸辧法啦，因為我有身分嘛，咁再一齊唸。佢好似錄音機咁，不斷重覆，好采我搵到依家呢家人幫手，佢當我係仔咁看待，諸如此類。佢重覆咗兩次，我就知唔需要再講了。無必要講，佢唸住自己搞掂。

我忽然唸起以前做書，係書店個時既事情。每次我都想同佢合作做好件事，佢個姿態都係扭扭擰擰。之後問過佢幾次， 佢又唔直接講，會話咩以前都同朋友合作過，同朋友打過工，等等等等。咁你唔OK咪直接講。所以我有時會覺得，每個人搞成今時今日咁，都真係各有原因。