營生計劃書

 

忘了之前有無講過，再講。上次幫好爺瞄了一眼營生計劃書之後，好爺收到補件通知，要再補一次，補件期限是明年同一時間。他的解讀是，加監一年。

他說，有既嘢都比曬佢，有曬長中短期目標。仲可以點。係就係話開鋪，咁都要有證件先得。

我試探，真係要開鋪？因為以好爺性格，佢係習慣打工，唔鐘意自己追數。我見過佢計劃書，唸，唔通佢真係轉死性？

然後佢講咗句，都唔係咁容易。

我又一次失望。然後心唸﹕唔怪得要加監一年。

話分兩頭，我覺得佢返香港既機會都好大，咁當然啦，以個人嚟講無話好定唔好。咁你係加國搵唔到工，日日煩惱點樣開飯，三餐不計，露宿街頭，唔通又要梗硬留低咩。而且以好爺新轉入既行業，香港會好搵好多，佢只要入台灣貨，係香港賣，再加手藝，一年可能就搵多好多錢。

同埋我個心都仲係想開自己workshop，最好係兩層，一層對外零售，一層office辦工，影吓product，做下DM，得閒開車出去，帶啲客兜風。呢個係我理想既生活。至於要點實行，我都未知。你唸吓喎，開個鋪面，裝修呀成本呀各樣都係專業，我又唔識。有咗投資就要有收入回報，搵客源呢方面我又好弱。依家咁既經濟環境，莫講開workshop，我連聽日有無錢開飯都未知，真心煩。

咁又過咗兩個月，算係認真咁搵partime。之前都搵咗好耐，想搵啲書店打吓工，好耐無接觸圖書業，如果假日有時間，我都想hea hea哋搵間書店做吓，過下日晨。簡單加坦白講，一星期如果有一日搵到pt，可以有大約15K TWD，一個月4日，多6000TWD。雖然都仲未夠開飯，但係壓力會大減。

今天醒來之時忽然有點情緒，整個人很累，甚麼事情都不想做的狀態。但待會要出門拍照，不能不提起精神。都OK既，最難嗰關都比我過到，跟住落嚟都係錢啫。