發老脾第二回

勁想發脾氣，但忍住唔向人發，打字發洩。頂佢個制，代購的拍檔2月尾寄咗封信嚟，叫我去台北幫佢拎嘢。我話你訂之前又唔早講，我唔知幾時先去台北。然後佢話唔急唔急，一路拖咗兩個月，我又真係唔會去。

某日佢突然話寄咗「水腳」比我，叫我預約上台北拎。咁我話OK啦既然係咁，兩星期前就預留咗時間，預約好。但係啲「水腳」成兩個星期都未寄到，我問佢，喂，咁計返港紙囉，我照去都得。

佢突然話，唔洗去了。取消。

我個心已經diu曬鬼，大佬你玩鳩我咩，仲玩足兩個月。全部野都用我個名預約。呢啲野之前已經同佢講過，佢當無回事。我唸咗輪，查實我發脾氣都無用，不如增加佢成本，等佢察覺所有事情都要付出，咁先至會謹慎。

而我係抱住以後會零訂單的情況去做呢件事。真心，無謂做得咁谷氣，錢賺得唔多都算(一個月得50HKD)。佢做嘢係完全唔理人得唔得閒，O唔OK，一句自己唔鐘意就取消。我無心情、無咁多精神應付。

查實幾年前就已經唔做代購，因為做代購真係好谷氣。啲客成日奉旨咁，問呢樣問個樣，問完就剩係識壓價，想你蝕做。其他野，比如影相排版都會有呢種狀況，都谷氣架啦，但某程度上CS既層面少好多，所以都OK。

幾年前損咗張二手床出去，唸住個善事啦。點Q知對方打嚟話無說明書唔識裝。我心唸，咁都有得diu？床咋喎，有幾難。我都係第一次覺得，原來做好事都唔係咁易。

話又說回來，我依然唸緊方法賺港紙。好難，人不在，唯有做一啲代購呀、代買、代付。我盡量都唔想代滙款，因為如果比人查到都幾大鑊。代網購都仲OK。起馬有實體，堅係有買有賣，唔係走私滙款。呢期精神緊張，都係唔好亂咁嚟好啲。況且，又唔係自己主要既業務，唔好搵命搏。

如果我仲係做緊書，我應該會踩曬界。依家真係理鳩得佢。最近返工係返到，你不斷diu9我錯，咩都係我既問題，我都理鳩得佢。台灣人好鐘意大大聲講，都係阿邊個既問題，都係佢做，我做既無問題。問返佢，佢又話唔出，又笑笑口咁走咗去。

我最近都唔理，總之你搵到答案咪教我囉。台灣人仲有一句成日講︰「那都是你說的。」我都有唸過，洗唔洗咁樣，嘈都無用。證明自己岩又點？人工又唔會多咗。你鐘意咪你岩曬佢囉，你岩你自己做，我繼續用我既方法。

以前做書會好在意，死啦你班仆街咁搞法，好快就會無曬書局，無書店，做書就生存唔到。依家，你話點咪點囉，總之我搵到方法生存就得。認真，返工真係無乜話岩定錯，定前景定點。我寧願做個旁觀者，繼續發展自己既野。

唔通真係打成世工，你又養得起我成世咩。