一個星期，三單客訴。好很麻煩。
第一單比較嚴重，公司有個客要去加拿大，幫佢訂好行程，佢話自己搞簽證。簽證都唔難搞，其實好易，同埋如果自己搞簽證，就會退返100HKD簽證費。12月底提佢搞，搞到2月底佢同老細講。
搞唔掂，比人ban咗。求Q其send個file嚟話已經搞掂 。我初時都無為意，望多兩望有條link喎，click入去，要account同pw喎。我走去問老細，發生緊咩事，我要點做。
我老細話：應該係你話比我知點做，唔係嚟問我吓話。
我呆咗呆，ok，算，唔理。又擺低咗幾日，老細問我點。我態度都衰衰地，話，仲研究緊，但無account pw 都唔知發生咩事。
老細先至將個客whatsapp比我。我login啦，入去將所有需要資料list out曬，人地個網要乜就要乜。
唔夠半個鐘，個客打比我老細，發咗一輪難渣。根住老細又打嚟發我一輪難渣。問我點解要比咁多資料，又要財力證明又要passport呢樣個樣。
我又呆咗呆，呃，咁人地個網係咁寫，就唔覆佢，等佢比資料再處理。跟住，佢又真係唔比喎，死到要我打去人地office問點做。好啦咁我打，打完之後對方話：如果online唔得，要去SGP office預約面談。
勁正。佢終於肯比資料。係呢到之前，我連佢passport都無係手。
我都唔明，查實我係幫緊佢，咁佢可唔可以客氣啲呢。佢一路都無講點解申請會失敗，咁當然我都無問啦，唔關我事。老細問多佢兩句，佢先至話比人地知，原來剔錯咗「有刑事犯罪紀錄」。唔怪得。但都無所謂，都係照流程做only。
不過客就係咁，佢自己搞錯，就會將個責任推落其他人到，好似自己個心就會舒服啲咁。
呢單都OK，無乜嘢。第二單比較燥。
事源幫音音姐代訂又出事。其實都係啲好小既事，但因為好小事，先至燥：明明可以完全避免。
自從教咗音音姐點樣係金石堂online shopping，佢就自己買。我原意係，大佬你直接揀寄去HK，我唔洗煩，都唔洗賺你個幾蚊雞。點知佢依然叫我去店取。OK，無所謂，7-11係我屋企樓下啫，5分鐘路程。
點知佢揀咗去金石堂店取。都無所謂，咪去囉。
點Q知佢總共訂咗14KG貨。
我彈咗句，喂你訂之前話聲我知。
佢話：我無同你講？叫咗你帶喼。
即燥：訂之前呀頂你！我可以分單或者分開唔同店取。分幾日去拎。
佢揀金石堂店取係因為免運，7-11有時要比運費。我就一定係7-11。
又過咗日，佢問我，2月頭訂既貨到咗未。
查實我都唔記得訂咗乜，又有無訂啲乜。佢叫我訂既item我全部都唔知係乜嚟。呢個問題一直存在，係好複雜。例如，訂單個title係item A。點知原來係item A 係包括咗9樣野，box set。box set都算，咁我唔拆得個box set㗎嘛，佢狂問我box set野係咪齊。我點鳩知。
有時佢要我現場買，話有場領贈品，我問佢，係乜贈品，要點。佢話一定要A款先比錢。你問店員就知。
我問店員，店員話，隨機喎。
跟住係鋪頭等佢半個鐘，最後無買到，我來回3個鐘連車費都蝕埋。
仲有好多係，根本得個qr code，乜都無，就叫我滙錢。我問佢咩item，佢又up唔出。
其實我試過好多方法，又txt格式，又google form。佢全部都唔肯填，剩係肯用自己方法。尋日又出咗大鑊嘢。事源佢落咗張咁既單
單號：1
nameA*3
nameB*4
nameC贈品*2
金額：424
好啦，咁我落街取貨。落到去先知，實際金額係3240
diu根本全部野加埋係 3+4+2 = 8件
佢剩係打咗一件價錢。現金取貨。而呢邊咁岩方圓2公里都無銀行，荒蕪過錦田。結果即日要取，我搭咗2.5小時車去提款。返到嚟仲要比佢催。
台灣網訂野向來都會出事。雖然睇嚟好先進，收到簡訊取貨之類。但簡訊同超商個系統唔係100%。有時佢話備貨期1個月，點知聽日就送到店。亦都成日有時差，話你知10號到店，但10號店員好忙，未入機，就無得拎。16號前取，點知15號店員就退咗貨。呢啲係好經常發生。連郵局都係咁。所以依家我都好掛住hktvmall。
早幾日，音音姐無啦啦問：item幾到咗貨未？
我：未到喎。無收過sms。之前咪話備貨一個月。
音音姐：這件不是啦，我賣咗比人，已經。
我：哦，咁得囉。
音音姐：即係到咗貨未？
我：咩呀，你賣咗啦，仲點會有到貨？無到貨你點賣？
音音姐：我意思係，網上預售咗比人。
我：哦，咁我搵搵。
搵嚟搵去都搵唔到，應該係客服mis咗sms。睇返個網都只係寫：取貨免付款，無寫叫我去拎貨。send message比客服，客服無覆。隔一日上去睇，就發現stauts改咗，話係逾期未取。
咁我都無計，咪算囉。叫佢上網搵第二本買返嚟，入我數。
再煩啲仲係之後。又係around兩日前佢話要print嘢。咁都ok既咪print。問佢多唔多，佢話好少。
點知尋日朝早佢又話要滙錢比人，好啦跟住我list out，咁即係要做兩件事啦：
1.滙錢
2.print，qr code plx
滙錢都解決咗。因為7-11好多人print野，星期六，print之前發現有啲問題，就問多次佢。佢個message係直接回覆：
2.print, qr code plx__商品大圖_1份
2. print qr code plx_出版社聲明
2. print qr code plx_商品大圖2_2份
我問，商品大圖2之前咪print咗。
佢：係呀個客要多啲。
我：啦咁即係總共1+2=3份
佢：唔係呀，係21份。
我：下？乜鳩呀。今日做兩件事？
佢：係呀，滙錢同print 嘢。
我再由頭睇多次呢一個星期既message，打開曬啲圖再仔細唸咗一陣，問佢：
喂你第一張大圖有11個小圖，即係點？個到唔係1個qr code印11張？
佢：唔係呀，scan咗個qr code，之後要每一個條碼輸入。
我：即係11張唔係1張啦？第二張圖又咩嚟？唔係第一張個出版社？
佢：唔係呀，第二樣係另一間要print。
我：咁第二張總共有幾多個圖檔？
佢：咪一個圖囉，你睇唔到咩？
我即係燥撚到爆，即係叫佢現填充題，唔該你幫我填撚曬下面：
1. 滙錢_item_戶口名_原因
2. printing ？款 各？張
3. printing ？款 各？張
你今日叫我做四4件，唔係兩件！！！！！
跟住我打咗一大串文字。我真係唔想燥佢或者發佢脾氣。大佬1張野要print 5分鐘。你唔係今日先知，一個item要print 11張掛？早兩日講我知唔得既？咁我預多啲時間，中午唔走呀係7-11做埋先。
11點先話要print，又唔洗唔楚。我用咗好多方法，想佢list得清楚啲。佢都唔明，自己開個excel，自己打，叫我報價。無樣野係清楚。最尾我出大絕。
以後你再係咁打單
nameA*3 單價500
我計你1500
完
過咗一晚，佢終於死死地地，幫我入返嚟啲單。
唉。大佬，我咁搞法只係賺佢2-7HKD。錢都係事少，講極都唔明，個過程唔順暢先煩。好很小事，可唔可以直接講清楚。唉。
留言
張貼留言