做了個奇異的夢，試試仔細寫下來。
故事最開始有男女主角兩人，男主角是設計電玩的，女主角是一個普通女孩，在一個紅綠燈前不是做甚麼，好像在找甚麼似的。搞了老半天發現是女孩的朋友要遠行，她想送她禮物，但找不到禮物，最後只有擁抱送別。
鏡頭一轉已經是好幾年之後，男主角在台上介紹新遊戲，女主角在樓下顧攤，還有一個小胖子朋友幫忙。攤販是男主角持續了幾年的努力，跟女主無關。當男主有點小成就，他介紹女主擺攤來尋夢之類。
女主就賣些公仔甚麼的，還有一台衣車。她當初就是想送朋友一隻自己做的公仔。有個媽媽和妹妹客走到衣車前想把自己的名字縫在公仔身上，問女主怎麼做。身邊的小胖子，應該是另一攤的攤主，淡淡說：佢唔識㗎。
女主爆喊。
然後突然間女主查到一個重要人物在鹿兒島。我還以為他們時空穿越回去，結果是坐飛機一站一站過去，因為沒錢。
去到鹿兒島竟又是那個紅綠燈。女主已不見了。男主跑到樓上一家像中心的設施，跟一個老人聊天。中途突然，背後，另一個男主出現了。
就醒了。
抽了夢裡其中一段查解夢，就是縫紉那一段。說是夢到別人縫紉是好意頭。但我可是夢到別人不懂縫紉，卡關還哭了。
我也只好笑一笑。收下好意頭就算了。
才寫到這邊，以為有好事發生，結果被潛在客戶罵到臭頭。
這個客戶傾咗幾日，當然傾個時已經覺得有啲伏。錢少都算，工時好短。同埋好明顯係得罪上一手設計師，見佢交出嚟既風格，明顯又係做到一半，人地唔肯做。財大氣粗咁話：「我好多案件係手呀！我依家派緊job比八個設計師呀！」
咁我都係聽完算。但如果佢真係比到單我，我呢個月就捱到落去。所以我都無即刻覆實佢啲報價。拖咗一日，睇咗張戲，尋晚佢打嚟問我可唔可以幫佢logo勾線，佢無咗ai。
我話ok啦，收你500蚊一次。出嚟效果大約係咁樣ok？
她說：「你講得很清楚，我完全懂！」
今朝勾完，send曬報價比佢睇，連logo png。佢就開始狂燥，點解個logo同佢比我個個一模一樣。
我話：「如果再設計要額外收費喔，我們再討論。」其實我咁講得，都預咗會出事。但無論點我都唔可以講死。
佢話：「你㩒個制兩秒鐘的事！你要增加我工作量？我問你，你報價單限改3次，如果改極都改唔到我滿意，你又收了訂金，那怎辧？」
我答：「一般3次都好接近啦，有啲嘢要微調、有錯別字，無乜所謂。如果設計上有很大問題，其實第1、2次溝通時已經處理好。」
佢話：「咁你即係要增加我工作量！google meet有得share screen你識唔識？你share出嚟我睇住改！」
我話：「不如我們把其他細節討論完再說。」
佢立即狂diu：「算啦算啦，我完全唔知你講乜！你啲檔案名稱我完全睇唔明，點解要叫簡報1，我完全唔知簡報1係乜嚟！你剩係唸住你點收到錢，完全唔知客戶要啲乜。我識就唔洗搵你做啦！你依家增加緊我工作量！」
咁就無咗單job。唔開心找法師同事呻兩句，佢話：「能表達的態度和方式要變化一下,讓人家掏錢掏得心甘情願。」
ok啦，又係我錯。二次傷害。
本來這單job真的ok了，這個月就有飯開。現在一切歸零。無限改我真係唔ok，share screen我真係唔ok。我忍咗一個鐘，係fb出po，出完又刪。覺得好像不應散播負能量，忍了又忍，真的覺得好辛苦，匿名在某group裡出了po。
唉。我都好想工作運好。唸下唸下，其實好想喊。因為我真係無錢，無曬辦法。
有件事，一直無講，已經係聖誕前既事。接到單job本身係打字，去到個客到，變咗聽打，仲要影相，又要幫佢去超巿買菜，倒垃圾。好既係佢日結，每日有糧出。當時已經手緊，因為報考試、報補習班用咗好多錢。
幫咗佢幾次之後，佢要我OT。但個日我約咗機車續租，咁岩有裝修師傅嚟整漏水。我話我真係唔得呀。佢就話，咁你唔洗嚟啦，我搵第二個做。我覆佢，如果你決定咗咁好啦，麻煩你出埋條尾數比我，唔該曬。
之後佢打電話嚟狂轟，我揸緊車無聽。返到屋企發現至少打咗嚟七次。咁我當然就唔再聽啦。隔咗好似一星期定兩星期，佢打嚟話我偷咗佢啲相，要報警。
吓？乜呀？又係你叫我唔好save低任何嘢係我手機電腦，要我影完啲product相立即delete，我即時過曬落你部電腦到啦喎。我好嚴肅覆返佢來龍去脈。心唸，要報警就報啦。
呢件事擺咗係個心到大半年。我日日係到唸，唉，唔通我只會遇到呢啲人？唔通我工作就唔應該有糧出？
佢仲斷斷續續，每隔一陣就嚟話我偷佢嘢，各種各樣麻煩。我都無理佢。唔理係最好。持續咗半年，岩岩又比客鬧完。我忍唔住問接案平台，可唔可以係我到隱藏佢既message。接案平台話唔得，仲問咗啲資料。
接案平台又唔係調查嘅，佢無責任判斷誰對誰錯。但講完之後我有啲後悔，點解忍咗半年，忍唔到落去。如果忍落去可能乜事都無，依家好似仲多咗煩惱。唉。牽一髮動全身。沒有收入的如今，經濟壓力、簽證壓力、生存壓力⋯⋯或者，拖延了很久的報應，終於來臨。
出門之前遇到個菩薩，份人其實無乜，都幾好。但當然又係同一類我唔想應付既類型。依家唸返起其實佢真係好好了。
其實我都好想好似阿匐咁講，工作運好。我真係好想的。唔洗次次都咁仆街。
同時又唸起蔡康永講個句，如果你當人地讚你既說話係真，咁人哋鬧你嘅說話，都會當真。
上面兩件事，寫咗出嚟，講咗係fb，到依家20分鐘了，心情係好咗少少。其實我唸要唔要講都痛苦咗40分鐘。呢幾年真係愈嚟愈唔敢講嘢。唔敢同朋友講，一嚟無人想聽，二嚟二次傷害，永遠都係我有問題。三嚟其實驚，一直放負，只會係負能量循環。
但係，開心真係唔太長久。我照咗輯相，會開心一兩日。遇到呢啲事情，唔開心係以年計。尤其是，生活環境同情況無改變，一直重複出現，那份不開心就一直揮之不去。
漸漸地我也明白其他人為甚麼會對我生氣，會覺得我錯。因為發生在我身上的事情，在他們身上沒發生過，不一樣。他們只會覺得，肯定我又沒做甚麼，沒完成甚麼，沒努力，講說話不動聽。講咗，我既人生都唔會有咩改變。不如自己寫寫blog，等情緒過咗。
做咗咁多年人，唔通真係唔識解決問題咩。當然唔係話大家一定要企係我個邊，但係，我只係想大家聽下我講嘢，等我啲情緒容易啲消化。講真，幫得幾多。每個人都有每個人既生活，能夠消化吓情緒，唔好話遠，至少今晚可以平安渡過，聽日起到身。
回過頭來，個客咁搞法，其實我本身都擔心接咗會五勞七傷。佢只係顧住自己講，唔聽人講，之後又再九萬幾次，又要24小時on call，750蚊hkd⋯⋯唉⋯⋯但我真係無錢。一單job，一本書就可以捱一個月。到底我可以點？應該點？
留言
張貼留言