……衰左……

唉!晨早起身,醒起今日再返早班,尋晚唔記得去拎鎖匙!!唸緊點算好,即刻開電話。老闆娘尋晚留言,叫我今朝去問佢拎……今次死LA,唔知會唔會炒我……唉……第三日返工就搞單咁既野……唉……
近黎成個人失魂落魄……成日做錯野,我都唔知點解。記性差左好多,唔係唔記得呢樣就唔記個樣。以前成日覺得記性太好,想忘記下,但記性真係差呢,又成日做錯野……真係攞命……
唔知會唔會炒我呢?佩嫺話第一次肯定唔會。我心唸,其實佢炒左我,我可能仲開心。唔洗返咁多份工,唔洗咁大壓力,多一D時間比我唸下野,睇下書,打下文,都唔錯。如果唔係無錢,又有邊個想返工WO~~唉~~我真係極之唔想,就咁打工打到65,日日都出賣肉體……唉……但係又無其他辦法維持生活……生存二字教人太沉重。
昨晚BILL說明年四月會來交流。本來我想他和我一起住,租他付。可是再多想一層,家頭細務他全都不會,我豈不是要服待他?看著現在暑宿的台仔,一邊生氣,一邊羨慕。每天沒日沒夜地打ONLINE GAME,早上才睡甚或消防員式的兩日才睡一日。生氣的是,假如人還在中學,這樣過暑假,無可厚非。如今已是大學生,整個暑假就躲在宿舍,開著冷氣打機,難道沒有甚他事做?雪糕學長說許多TW大學生,暑假都浪費在遊戲上,如今真是開了眼界。另一方面,過了20歲還可以像15、6 歲那樣做人,無憂無慮幼幼稚稚弱弱智智,多好。
昨晚我開了冷氣睡。熱嘛。外面30度,房間31,關上門32,窗也關了33。晚上熱醒,他媽的,門關了窗關了冷氣也關了。平日不是很愛開嗎?前天下雨,24度,關了門窗開抽濕。我O左嘴,開曬門窗,D風吹黎都唔知幾涼。3點熱醒,我落床開返冷氣,又訓。到左7點,我都差唔多醒,佢又熄啦。條友真係神經,唔知佢唸咩。好明顯係個隻,我係到唔開佢係到開,反正佢都係朝早先訓。不過真係…點頂呀…間房咁焗,人要關曬門窗……會死人架……
唉……一陣又要返工……不如炒左我算LA…無咁大壓力……唉……幾時先可以只做自己鐘意既野……唔通……呢世都唔得?
咁就快D死左佢算囉。我唔想做個普通人,但係又好羨慕做普通人……即係咁,如果有個人依家行出黎同我講我呢世都無機會,我會好開心。真既,真係會開心……唉~~

留言