跳到主要內容

陷家剷!

(蛇王中……)

尋晚真係好鬼谷氣,成篇日記用粗口寫成。頂佢個肺,班仆街都唔撚係做野,又係到玩針對,屌。唔鳩理佢,我做好自己D野就算,話我無群體意識太獨都係咁話。陷家剷,阿支阿咗食西多,我做完就算,死都唔上台,睇你班友出醜又好點都好。你地玩野先,你不仁我不義囉,話知你點講。我做得出架!真係要發下火先得。都算好忍讓,比著以前串鳩你十世啦!唔串你仲要比面色我睇,仲要串返我轉頭。真係咪啦,要發下惡串返人先得,咪鬼太介意D無論既內歛政策。反正名聲呢家野,唔到我管,D人要戇居要跳樓唔通阻止佢咩~~今朝起身都叫下左半肚火,講講尋日發生咩事,唔用咁多粗口。不過打左成晚粗口先發覺,原來用廣東話鬧人好爽。下面都係半白半文咁講LA~~

咁星期一台美個人渣組長,先叫我地交野。下星期一就上台LA WO。條友都仆街,除左第一次開會有約時間之外,其他開會,都唔問組員幾時得閒。有一次約星期四中午12點,用腦唸下LA,個個星期期中考,又要約LUNCH,鬼得閒理你。跟住約上星期五5點,母親節前,已經多好人話要返屋企過節,星期五車。去到,仆街,得三個人。跟住個組長話︰「怎麼只有三個人?沒辦法,約下次開會時間吧!」然後約星期一12點,一黎到,個個都未做,就只係約星期三(尋晚)開會,話星期三要出曬所有野。D台仔即刻發難咋,又話星期二要另一份PROJECT,又呢樣個樣。我心唸︰「大佬!我日日返工,朝八晚六仲要上堂,星期四宋史,下星期一台美,下星期三通識,跟住又黎史記,返工個到仲有20人資料未打完,夠我忙?」(不過話時話我忙極都仲可以打機半粒鐘機寫一粒鐘小說仲要訓足八個鐘咁又真既)

我個拍擋話,D書係我到,佢做唔到,問我拎書。我話OK呀,反正我圖又屎驚完,D又KEY完,返去都係夾埋一齊姐將D野。問佢幾時要,佢話星期三要。我都O曬嘴,星期三晚開會你星期三要?然後佢又話星期二要討論,我咪話OK呀,我走鄭梓堂黎幫你做,你三點搵我,因為我6點要開讀書會到9點。點知佢星期二晚7點打黎,問我係邊。我話咩係邊,讀書會囉。佢話你唔係請左假咩?我話我走鄭梓堂,幾時話請假?佢話咩你要back up我架嘛。我話,好囉,返到去ONLINE睇下有咩講。返到宿舍ONLINE,10點,平時我訓左。屌呀,條仆街居然問我佢負責邊幾個人物,仲問︰「陳介仁是這樣寫咩?」我話︰「陳界仁呀!」然後又約拎書,我話︰「10~12點,1~5點我都有堂,12點LA,順便食飯,你唔係話要討論咩?」咁我尋日12點落堂,係光口等佢,等左十分鐘都唔見人,打比佢,佢話︰「不是一點嗎?昨天晚上你不是說一點有課所以約一點嗎?」哇!你老母用下腦唸野LA!一點有堂點樣約一點話。我勁不爽,咪話約12點呀,你出黎LA。等左五分鐘,又打黎問我係邊,我話係光口BOR,佢話︰「不是在系館嗎?」我話︰「在系館怎麼吃飯?」出到黎,佢話要買返去食,OK,無所謂。去到雲平,佢踩單車,要DOW路,咪DOW囉,系館等。點知返去系館,我都開始食飯,都未見佢,咪打比佢囉,問佢係邊,佢話︰「宿舍。」「你不是要書?」「我想先把其中一個弄出來,再去你那邊拿書。」「我一點到五點都有課。」「那你放在儲物櫃,把密碼告訴我。」我已經勁想鬧人︰「可是我不想告訴你。」「櫃子又不是你的。」仆街仲搏嘴!「裡面的東西是我的。」「你有不想讓我看見的東西嗎?銀包或甚麼的?你就放到另外一個櫃子裡,我再去拿。」我都唔想放,搞錯!叫埋你出黎拎你條粉友返左宿舍!不過唸兩唸,費事做醜人,就放。點知夜晚開會我去拎書,都無郁過,佢竟然話︰「我做完之後太累,睡著了所以沒有去看。」屌!咁你就咪撚話無書做唔到la!
夜晚開會又係仆街,班人渣同學玩針對。學弟遲左兩分鐘未到,個組長叫我打比佢,我心唸,仆你個街,做組長唔係聯絡架咩?咁就打la,一打學弟就黎,做得好!個仆街拍擋又未黎,個準系會長,淫婦黎囉佢同佢拍擋都,溝左仔仲周圍姣仔,成鬼日同條仔係系館摷野,個八婆黑面wo,問︰「他為什麼不來,你解釋一下。」哇!你老闆,你個拍擋都無黎la,又唔見你解釋!我咪話︰「他沒有通知我他會不會來,我也不知道。」跟住個組長話︰「你打給他看看。」我埋怨︰「又是我打……」咪照打,條友話黎緊,咪照講。佢未黎咪我講先囉,仆街,班友怒插,又話d圖未cut好,ppt未做好呢樣個樣。大佬呀!我負責整字架咋wo,而且之話明ppt個組長做,我疑惑咁問︰「內容是我弄啦,但ppt圖不是你編輯嗎?」佢理所當然咁話︰「我不切圖呀,ppt不是我做,我是統整。」你老母!即係整個背景將全組d 圖copy到同一個到?洗柒你做呀?我咪話︰「那上台的不是我,你要問我拍擋,看他怎麼安排ppt,跟他講圖要怎樣。」跟住我拍擋黎左,佢都只係針住我,我咪笑笑口話,拍擋係到呀,你同佢講la,唔好同我講。
跟住到個八婆講,佢仲仆街,字都未出,圖又一堆未揀,三十幾張,拎四張出黎話,la,呢個係咩主題,呢個係咩主題。但全場無人問佢野囉,無人話佢d圖要點,d字要點。我心裡面講曬粗口,屌,班撚樣都唔撚係做野,玩針對,理鳩得你,我搞掂自己d野,理得你死。同d咁既人,邊做到野架!
返到宿舍,等左好耐大b先online,咁我咪開咪同佢呻囉。呻多兩呻佢都係個種反應,「係咁架la,係咁架la」搞到我都無心機講。好無奈囉真係,d人咁撚樣,想當年我地學生會,個個都攞條命出黎搏。依家d台仔,都唔知咩叫競爭同努力,佢地係呀,唔怕無大學讀,呢間考唔到去第二間,上到大學就溝仔溝女,hea。都係高淑媛講得好,畢業之後,講既就係實力,我比佢地有優勢。唔係話我能力比人好,至少我個心嚮到,tvb個句,全力以赴做到最好。你班仆街咁q人渣仲係到阿之阿左,四川岩岩地震完呀!台灣震多次就岩,震死曬你班仆街。上到大學都仲可以咁撚樣做野,唔死都無用,咁hea咪柒做囉,仲要以為自己好勁,井底之蛙咋!
真係好撚火滾!我都係唔岩同人合作,要搵一team夾既人真係好難。大佬呀,我要求唔高架bor,大家有意識必須做好個件事就得,屌!都唔撚係既!hea爆仲要玩針對。唔鳩理,自己搞掂就算,由得你地自生自滅。咪要我上台呀!死都唔上,話之你,我無眼睇。

留言

這個網誌中的熱門文章

墨爾本旅遊交通全攻略

來墨爾本三個星期,總算搞清楚交通狀況。一如出發前的諾言,除了沒人看的遊記,旅遊攻略也會多打一些,以衝流量。


主要網站
Public Transprot Victoria: http://ptv.vic.gov.auMetro:http://www.metrotrains.com.au全路線圖:http://ptv.vic.gov.au/getting-around/maps/目錄
一、墨爾本交通概覽
二、公共交通遊玩攻略
  -全免錢! 巿中心遊玩大法
  -省錢旅遊方式
三、簡易行程規劃
  -擅用客戶服務中心
  -惱中的下班時間
另注:Skybus+酒店接駁服務

矛盾大作戰──Nikon VS Canon

我猜,問「哪一家的相機比較好」這個問題,一定比問「照片怎麼拍才好看」的人多上好幾倍。至少在還沒有選擇「敗」那一家照相機之前,大家都會猶豫、考慮、拼命上網找資料,然後懷疑網上資料不盡不實,覺得自己的「感覺」最準確,又苦無「使用」機會。去店家捧着照相機玩一兩個小時又覺得太誇張怕被罵……
想起來我頗幸運,雖然沒有單反,但我已經玩過很多器械,包括︰D90、D7000、D3100、500D、550D、5DMK2、5DMK3、Sony A99、Nex 3,而且是每一抬最少拍了三百張的程度。甚至iphone、Canon和Nikon各類型的DC……因此,我覺得自己雖然不是專業的攝影師,應該也有資格談一談器械的選擇順便衝一下流量吧。

毋需鬧鐘的日子

這是多少年來的習慣?

設定六點半的鬧鐘,實際上六點已經醒來,坐在床上,等着手機響鬧,單調乏味的預設音效,爬起來關掉。上個廁所,再看一點書,看到是時候出門為止。中學時,七點。大學不固定,或七點或十點。上班這幾年就很固定了,一律七點十分出門,只不過六點半醒來後,往往一邊播土豆,一邊看書,不太看得進去,斷斷續續地。

來到墨爾本一個禮拜,一頁書都沒看過。