diu咗出聲

收到糧單個吓真係diu咗出聲,過去兩個月OT到爆廠,人工居然倒扣。是咁的,依家基本人工係30500,比起法定最低工資大約多咗1000左右啦,TWD喎。然後有一筆積效獎金7000蚊。其實都唔多,以每星期OT五個鐘嚟計,叫做比OT錢多少少。總共都仲未夠40K。

但呢個唔係淨收入。30500,扣勞保,扣公會錢,呢樣個樣夾夾埋埋扣咗3000TWD,即係27500。再嚟,放咗兩日天災無薪假,佢唔係用基本工資去扣,係用30500+7000去扣,唔知點解係月薪除20,話一例一休咁話喎,扣咗3000蚊。即係7000獎金無咗3000。即係我今個月實際人工係31500。大佬,點生存?仲少過partime。

呢兩年我覺得自己係under paid。第一年,無經驗,OK。第二年,同老細講有咩目標。佢一嚟就ban。我已經立即搵工。不過,我份人唔叻同人soso,係好蝕底。要花好多時間先至有人俾機會。有啲人好外向,笑笑口,就好易會有機會。

我就無乜。日子還是好艱難咁過,今年其實好想有突破。我想變自由業,有時甚至會覺得不如去揸的士。起馬自由啲。但係台灣揸的士又係好高成本,要有自己車,牌費保險自己俾之類,要花好多時間精力去搞,唔係個啲兩手fit fit可以入場既職業。但我仍然會去做,我想偶爾做下車導,簡簡單單過日子。

當務之急係擺脫朝九晚五既生活,唔好再係組織入面糾纏。真係無乜必要。比較麻煩係高雄既工作機會唔多,我個性又被動,唔鐘意soso,好難搵。前兩日登記咗要去領隊媒合會,得30個名額,朝早忙咗一輪,結果唔記得第一時間登記,落咗去後補。過咗幾日,後補成功。我需要新既機,希望有希望。我同自己講,係我架啦今次。一定係。

留言