賺唔到幾多

 一朝早返到公司又有啲沮喪，望住份糧同埋收入，只能嘆氣。最近比較得閒，睇咗幾頁《窮爸爸．富爸爸》，長銷書。都係個句，睇咗等於無睇。係有啲道理既，佢講既情況係一般大部份人既情況，為咗滿足眼前需求，然後找搵錢，落入咗老鼠迴圈既局面。

以前唔覺，嚟台灣呢兩三年好覺，主要係收入太低，唔夠滿足日常生活同欲望。出手太低係問題，亂Q咁嚟都係問題。但係，台灣人又覺得OK。我搵咗好多辦法，都搞唔掂。

今個月補返個外語領隊，其實我想去帶團。想變自由業。大佬，我日日係公司，都賺唔到幾多。不如出去行下。目標係用依家一半時間，賺到同樣收入。前題係需要有人俾團我帶。呢樣好難。呢個社會係鐘意啲外向既人，而我又唔係叻到識飛。

都係咁囉，做嘢，做人，一Q樣。咁有啲人係呢個世界好順利，我唔係個種人。無計。有啲人好唔順利，例如街友，佢地一樣又係做人。呢個人間既設計同結構，唔係太岩我，都係早日收皮，比較好。