寂寞而已

 好像很久沒有這種感覺，但我跟自己說，OK的，沒事，寂寞而已。

新年開始給自己下了個tag，不要再約人。我還是有很地方想要去，要去，就只能分攤交通費。不過個啲都只係我自己想去既地方，其他人未必想去。辛苦約完，都係俾人放飛機。舊年最大既成就係，我俾人放飛機，我仲要道歉，sorry，計劃臨時有變導致你無辧法唔放我飛機。

事源係某個同事介紹，一間幾好食店，不過佢份量有啲多，我一個人食唔曬。咁岩有個PT住附近，我就問佢，不如我搵日過去，同你分一分啦。佢一口答應，仲叫我message佢約間。

約好曬時間，我個日整咗個半鐘牙，辛苦咗一輪。心入面唸住只要捱過呢一關，兩個鐘之後就可以食被喻為全高雄最好食既烤鴨。點知去到現場，原來點餐係好麻煩，好複雜。半隻，係唔會幫手分開包裝，咁我就問對方，點一隻O唔OK？一人一半。對方就話，如果半隻你食得曬佢就唔嚟。

我當下係少少無奈。半隻，分唔到。一隻，佢又唔肯。我就話，是但，我處理。最終我無買，閃咗。其實我想要既係分享，從來都唔係個隻鴨好食定唔好食。