突然清閒

 今日突然有點清閒，而清閒得來，沒有心思寫稿，真心罕見。而我認真係到唸緊，依家寫緊既稿，有冇辦法可以換啲零用錢。因為，真係唔夠錢用。頭好痛。搵極都唔夠。投放最多時間既寫嘢同影相，都無乜回報。

查實好多嘢都仲未唸到，無一個好明確既目標。但我依家明確係，想去唔同地方，講下唔同地方既故事。近嚟睇到一條片都幾好，去到埃及拍博物館，內容雖然都係各種資料剪輯而成，但係，好睇。佢頻道主要講國際時事，將時事用廣東話翻譯，對曬口型，難度好高。幾鐘意佢個條圖坦卡門片，唔算好高難度既拍攝，不過資料搜集要好清楚。我應該無咁既耐性。

呢兩個月既心情都係咁，無嘢既，我不斷提醒自己，無嘢既，寂寞啫。寂寞得嚟，又窮咁囉。最近開始做運動，傍晚會跑跑步，突然覺得時間唔太夠用。可能係無時間砌模型，砌完影相，都好多時間。

開心既，自己砌，自己影相。雖然都係同搵食無關，但開心既。真心，人生在世，都唔知幾時死。做返多啲自己開心既事情緊要啲。咁當然自己鐘意既事，做落開心，又搵到錢就最好。但可能無呢支歌仔唱，是但啦，無所謂。做人最緊要開心。

最近消費心情幾好，可能上個月搵多錢，今個月又唔洗睇醫生，模型就買多咗。網上限量商店出咗兩部我想要好幾年，一路缺貨既商品。唸咗兩唸，一年一次，買啦。依家消費3成模型，3成攝影，3成旅行。買書真係少之又少。會睇既，每晚睇一兩頁。我都幾希望提高返個圖書閱讀量，起馬一個月一本。一年十二本，叫做keep住。

自己寫既書又未寫完，一篇一個月都唔得。好似有少少低估咗個寫作量。唔緊要既，keep住去。應該幾個月就寫得完。應該啦。寫書真正難處係要整理返過去亂如麻既生活。當下寫可以好快，唔洗回憶，唔洗理前後文，唔洗理其他人理唔理解。寫書就唔同，鋪排要好好多。真係要唸，讀者嚟到呢到，會唔會睇唔明。總之，功夫多係啦。

最近有少少改變唸法，唸，不如寫幾多排幾多，出咗去先算。賣住先，有update先至再refund或者用其他方法。出住先啦，如果唔係十世都寫唔曬。