心情唔好都係要搵食

 

一返工就心情唔好，都無既，心情唔好都係要搵食，都係要搵錢，生活如此，無乜分別。其實都無乜特別既，人人都係咁，只係我唔太開心，覺得俾嘢困住。心情又麻麻，放假又冇真係放到，無乜動力。

依家份工同以前好唔同，以前份工每三個月換一個地方，感覺開心好多。今次份工就無乜，但我仍然係想以呢個方式去做，去推進一啲事情。我想做自己既團，帶自己既行程，大家圍埋一齊，開開心心傾下日常生活。但如果唔係有份工，就無收入。唉。

考完職業牌上網睇咗啲做代駕既資料，無自己車，好似唔太方便。因為要做uber，要做lalamove都係自己車好啲，租車就唔太方便。但我都係想租車多啲，唔想養車。同埋，養車都真心貴架大佬，以我依家人工同負債，應該搞唔掂。真心要唸多啲辦法嚟養起自己先。家份工真係唔夠收入，一定要唸新方法嚟增加收入，唔好講笑。

依家咪同香港一樣，日日返工，仍然擔心唔夠錢洗。現階段我能夠做既其實唔多，唯一做法，就係努力啲，累積多一啲經驗。