照肺

 

無端端又俾老細照肺，主要還不是說我工作上的問題，而是不合群，默默上班又默默下班。我嘴上說好，心裡也只能苦笑，不然又怎樣呢，我本來性格就是不合群，去到哪裡都不合群，而又總是這個問題。而無緣無故又要我多一些任務，我想了想，呃……還不到半年呢。這下子真的又要找出路了，不然有甚麼特別事情，我就連開飯都成問題。

咁……合唔合群又有乜咁重要，係其他人覺得重要啫，我又唔覺得好重要。你話升職好重要啫，我又唔係咁覺得。總之都係要快啲搵到方法令自己生存到落去。打工就一定唔係長久之計，但自己做生意又未必有呢個能力。可能搵間大專去hea住教書，比較好。我都未唸到點算。

咁又真既，唔合群就無機會。之前合作既攝影師都係因為人脈廣，接到job，去好多教會活動之類。我嚟到高雄之後，就無乜點出門，仲宅過係香港。唸深一層，好似我呢種咁內向既人，真係生錯係呢個世界，早啲離開比較好。

不過，做人都係咁。點解會覺得生存艱難，因為怕死，怕死，驚死，所以要生存落去，而生存又好艱難。對其他人嚟講有啲野好容易，但我就總係舉步為艱咁。都無既，融入唔到呢個世界，融入唔到呢個社會。又調返轉頭，其實我唔係咁想融入，講真。變成同其他人一樣，只會係佢地開心，唔係我。我想自己但做自己生存唔到落去，真係唔知點算。呢個問題都纏繞咗好多年，記得舊年睇《富都青年》，好有共鳴。係呀，有時候有得解脫，可能係好事。依家太多人強調生之必要，生存其實係無乜必要，不單止我，全人類都冇必要生存。我成日覺得一定係有啲嘢錯咗，先至會發生呢啲事。

俾人講完之後，我又想摺埋自己，想摺埋幾日甚至幾個星期。每日接觸既人太多，係真心有啲疲乏。咁講一講我又想買書了，用消費嚟抵消上班既沮喪感。但都係忍一忍，無錢，小不忍則亂大謀。再忍一忍。

過年前我想給自己買一台煮飯的東西，想給自己買一盒switch game。過年後還要回香港一趟，我不想放棄領隊證，雖然我拿到它六年了，都沒帶過團，但我覺得可能會救我一命。

其實對現階段既我嚟講，最好係星期一至五有份穩定，唔chur既工，星期六接兩日一夜既行程，傾下計，見下人，講下講東話。咁就好好了。唯有保證正面。要搵錢睇醫生，真係幾甘。人生有時就係咁，