繼續不懂合作

 前幾日同好爺傾計，啦，純粹我個人觀點啫。好爺依家讀緊個課程，身邊圍繞住係啲大學生。佢最近成日話，期末考係佢出手令到份報告做得好，佢以前既經驗好有用，啲學生點點點，等等等。


我心唸，都OK既，你當比自己一啲鼓勵，一啲自我安慰，係OK既。但你問我，用一個出社會20年既能力去同啲大學生比較，我覺得無乜必要。但係，我就唔會同佢當面講。坦白講，我覺得佢同我都有啲似，係工作生涯好少比人讚，好少受到認可。嚟到今時今日，要同啲比自己後生二十年既人比，然後覺得自己叻啲。唔……OK，你喜歡。


話題終結於我又講多次想去高雄開workshop。好爺係非常極之唔鐘意呢類話題，比方話，我想做乜，或者我比建議佢，佢應該做乜。係書店既時候就經已係咁。我好想佢升做組長，因為佢帶住，我可以繼續做，大家都舒服。其實佢都想做，但佢唔係咁擅長分析，我話不如我分析好，等佢去present。但佢又唔鐘意，覺得變左人偶。


後來幾年，我每隔兩年都會聊吓佢，不如試吓啦，搵啲副業。佢每次都兜個大圈，唔say no。又話咩幫過朋友打工，結果係無好結果之類。我又唔係話打工，只不過係開個FB page分享下佢擅長既嘢。佢都唔肯。或者佢自己有做開啦，我唔知。


輾轉回來台灣都快兩年，好快又要找出路。我又跟他提了一下，但他的想法，嗯，他的意思仍然是迴避。光聽到這裡，我就覺得，算了，我先講我的想法，如果佢有興趣，咪join，無咪各自修行。合則兩利，分則兩害，點解都咁多年，都無唸通呢一點。又可能或者佢唔想同我合作啫。


咁當然，站係佢既立場，可能佢會覺得出力勞動既係自己，憑咩要比子房「利用」或「寄生」。可能佢去幫其他老細打工，得著仲多。我覺得無所謂。而我呢，則會唸，要建立自己既生活，就必須要有自己既地盤，唔能夠永遠打人工。僅此而已。




不過都唸唔到咁遠，呢個月條數仲未找到，好煩。預計有兩筆數可以入到嚟，但我都未知係咪真係成事。希望成事啦，如果唔係真係唔知邊到變啲錢出嚟。每個月都係咁，捱咗半年，真心唔係辦法。依家流動資金已經無曬，已經無曬運氣再撐落去。


希望快啲有轉機，如果唔係，真係只能賣相機……我唔想，生財工具嚟。但最近接案的數量真是少得有點可憐。