不知不覺在這家公司做了半年，本來預計是一邊打工一邊接job去拓展自己的事情。然而這大半年來接job量減少了好多。接job成本提高，但客戶出的錢愈來愈少，計算過成本，根本無可能做。比方說一個客戶要棚攝，平台報價費用300，租攝影棚起馬也2000一小時，結果客人開1500一小時。我呆了，那要賠錢去做嗎？
而且，主要工作那邊說好了的調薪沒有發生。坦白講老闆調了，對我當然好，不調我也沒差。不過也看透了這家公司人們的想法，老闆就是一直開空頭支票，甚麼事情都不講清楚，用話術忽悠過去。在這種情況之下，我不想擔當任何需要負責任的角色。再加上，我也不覺得公司會兌現承諾。
事情又要回到前一陣子，公司有條數未找比印刷廠。作為編輯我算是聯絡人，但我不管錢。印刷廠一直追我，追不到，就打去老闆的親戚那邊，說我不理他。親戚很熱心，跑去追老闆數，結果被老闆打回馬槍，倖倖然回來。不知怎的，我就落得一個不想理人、不回message的風評。
欸，我真的不想理呢，你有冇比錢間廠關我咩事？然後輪到會計，會計問咗個我都答唔到既問題︰「唔找數，廠會唔會唔印書？」
我話︰「我唔知喎，我唔敢問。」
「換轉是我，我就很想問了。」
我苦笑不回答。隔了幾天，老闆捉我入房照肺︰「依家廠話唔找數唔印新一期書，你到底同佢講咗啲乜？」
吓？咪group個度講個啲囉。雖然我都有懷疑會計啦，但我無特別講。然後老細係我面前打去印刷廠，印刷廠就話，你哋會計提出可以等一等，我都係聽指示，唔出書好大件事，我唔會咁唔負責任，定還是你哋改變主意？
高手，推得一乾二淨。但之後老細都係無找數。
見住班友咁樣做生意，我真係做到無乜心機，開始唔帶個腦返工。同我做嘢係好谷氣，因為我係完全唔會幫上司掩飾錯誤，要錯一齊錯，要炒車一齊炒車。真心，我會盡全力避免出錯，無意思，受苦既只有我一個。咁不如錯咗先，睇下你有咩反應。你diu9我，我咪繼續hea9你。唔係既，你會檢討既，咁下次大家做好佢。
但係大部份公司，甚至我做過咁多間公司，都係寧願解決個人，而唔去解決問題。解決個人易好多，咪再請過。解決問題好複雜，要用腦，曬時間之後又未必賺到錢。不如留低個問題，留多啲時間搵水魚，起馬有錢嘛。
依家既問題係返工唔夠錢開飯。而新近又有一個消息，本來每個月既佣金，以前係我自己計數，會計核對，OK就比我。呢件事本來就好奇怪，而公司開立五年之後終於又覺得好奇怪，所以計佣金呢件事，就回到會計手上。而會計「唔知員工有佣金」，所以，之後都無。又係好台式做法。
以前係台資書店，一年都總有一兩次會發生呢啲事。比如某個月set好咗，到數10K，就有200HKD。一個月賣10K書係好難，咁岩個個月突然嚟本村上春樹，條數爆咗上去，管理層可能會係埋數前三日，將個target調高到30K，總之令你追唔到。
華人做生意都係呢啲款，無論大或小，目標無一不是佔人便宜。無乜人真係會想做好件事。最緊要我呃你一次，呃完，我有錢，第二次再上當你只好怨你on居囉。唔似得外國人好誠實，條款咁寫，真係按條款行事。相對嚟講，佢地好似嚴肅好多，
不過又咁講，比我做外國公司，唔通我又做到咩。可能我能力唔到，先會一直係啲制度同狀況都差既公司工作，都話唔定。但長遠嚟講，要做自己嘢，過返十幾年安定生活，依家係目標之一。
煩惱在以依家既人工，根本無可能搵夠食。搵唔到不單止，仲要貼錢。連生活都成問題，要周圍借先得。莫講話移動去高雄，可能連房租都比唔起。頭好痛。不過我既目標始終都係一樣，要搵一間連鎖公司，有規模，做返兩年，熟曬所有嘢。等時機成熟，再投資一個簡單既事情。
最好同人夾份，一齊做。不過，身邊都無乜咁既人。而且我個心都仲唸住要依賴其他人，真係搞唔掂。其實現在每一天起來都還是會煩惱怎麼活，往後怎麼死。人總是會死的，我是怕死的那一刻，不能夠乾乾淨淨。
留言
張貼留言